تحزمي ورصي الخصر مثل
النصارى واليهود
ابغي اشوف المقاس ولو
سمحتي وترضينها
وتعدلي في مشيتش
واثبتي لش وجود
والمسلمه لها الفخر
وتفتخر بحجابها ودينها
وافعالكم تخزي الوجه
مع كل احترام وزود
بس الحقيقة مؤلمة
وزاد الألم من حينها
مسلمات ومع التطور
دون قواعد او بنود
والتسمية مسلمات
وخسارة التسمية تاخذينها
تتشبهين بالغرب وانتي
وراهم يالحسود
وتشوهين الإسلام
بأفعالش الي تفعلينها
العباه ستر الجسم
عذرا كلامي ي الجمود
تخفي المفاتين الي
لزمتي ل تطلعينها
وقصري العباه وظهري حذائش
شوي زود
وللرجال تقصير ثوبهم
والسنة تعكسينها
ولفتي النظر برص
الخصر وبيني الحدود
والهدف تكونين كاملة
ولا تحرشون بزينها
والمحجبات لا شفتهن
ودك تلبسهن عقود
ويوقف كلامي عنهن
والمخصره ربي يعينها
عندي سؤال وابغي
تكاثر للردود
لزوجش وش من الزينة بقت بتظهرينها
ريحة العطروعرفتها
والجسم باين وبحدود
ومكياجش الي كل يوم
بلون والكحل بعينها
يعني بصراحه كل مافيش
محفوظ ومعدود
حتى الابتسامة
بالحمرة والتقويم تزينينها
ماذكرتن سؤالن بينطرح
عليكم في اللحود
ياهل ترى الجواب
بينسمع في حينها
خافي من الله وتستري
ودينش ارفعي له عمود
وبافتخار قولي انابلنت
الاصل بأفعالها لدينها
الشاعر عبد العزيز
الفلاسي
ليست هناك تعليقات:
إرسال تعليق